Facebook siońnia zmahajecca sa škodnym virusam: nie adkryvajcie spasyłki, što Vam prychodziać
04.04.2013 / 16:20
Raspracoŭščyki najbujniejšaj u śviecie sacyjalnaj sietki Facebook viedajuć pra raspaŭsiudžvańnie pa sacyjalnaj sietcy kampjutarnaha virusa i pracujuć nad rašeńniem hetaj prablemy.
Virus, jaki raspaŭsiudžvajecca pa sacyjalnaj sietcy, dasyłaje niby ad imia karystalnika paviedamleńnie sa škodnaj spasyłkaj.
Pry hetym u paviedamleńni adznačajucca siabry karystalnika, što spryjaie jaho raspaŭsiudu. I kali inšyja ŭdzielniki sacyjalnaj sietki pierachodziać pa spasyłcy, to ich kampjutary taksama zaražajucca.
U takich vypadkach śpiecyjalisty pa kibierbiaśpiecy rajać jak maha chutčej vydalić paviedamleńnie sa škodnasnaj spasyłkaj, apaviaścić svaich siabroŭ u sacyjalnaj sietcy ab prablemie, pravieryć kampjutar na najaŭnaść virusaŭ z dapamohaj antyvirusnaha prahramnaha zabieśpiačeńnia i pa mahčymaści źmianić parol ad ŭlikovaha zapisu.