Pinčancy padkinuli novanarodžanaje dzicia
04.04.2013 / 15:03
Učora dniom u adnoj z kvater piacipaviarchovika na vulicy Novikava ŭ horadzie Pinsku razdaŭsia zvanok. Kali haspadynia adčyniła dźviery, la paroha lažaŭ skrutak z novanarodžanym dziciem.
Žančyna vyklikała supracoŭnikaŭ milicyi, jakija dastavili padkidyša ŭ dziciačuju haradskuju balnicu.
Novanarodžanaj dziaŭčyncy spoŭnilisia roŭna sutki, paviedamiŭ namieśnik hałoŭnaha doktara balnicy Alaksandr Sačkoŭski. Małaja pastupiła ź pieraachaładžeńniem. Jaje stan miedyki aceńvajuć jak siaredniaj stupieni ciažkaści. Siońnia dzicia pieraviali z addzialeńnia intensiŭnaj terapii i reanimacyi ŭ addzialeńnie niedanošanych dziaciej.
U balnicy niemaŭla budzie całkam abśledavana. Jaho dalejšym žyccieŭładkavańniem zojmiecca kamisija Pinskaha harvykankama.