Minskija padraździaleńni MNS hatovy da pažaraŭ u chmaračosach

U minskich pažarnych jość 90-mietrovy pad’iomnik i viertaloty.

04.04.2013 / 15:36

MNS płanuje nabyć viertalot K-32.

3 krasavika ŭ stalicy Čačni Hroznym hareŭ 40-paviarchovy chmaračos. Połymia achapiła budynak ad nizu da vierchu. Paźniej stała viadoma, što ŭ im nie spracavała supraćpažarnaja biaśpieka. Akramia taho, u Hroznym nie akazałasia adpaviednaj pažarnaj techniki, kab patušyć pažar na šmatpaviarchovym domie.

Na siońnia ŭ Minsku budujecca vysotnych niekalki budynkaŭ, u płanach minskich architektaraŭ — hmachi vyšynioj bolš za 150 mietraŭ. Ci hatovyja haradskija padraździaleńni MNS za zdareńniaŭ, padobnych da hroźnienskaha?

«Tut na situacyju treba hladzieć šyrej. Hałoŭnaje — nie dapuścić padobnaha raźvićcia padziej. Dla hetaha musiać być zadziejničanyja šmatlikija inžyniernyja mierapryjemstvy — vonkavaje pakryćcio budynka pavinna być vykanana z nieharučych materyjałaŭ, akramia taho, supraćpažarnyja sistemy pavinny pracavać, sistemy apaviaščeńnia i h.d.» — patłumačyŭ karespandentu «NN» načalnik pres-słužby MNS Vital Navicki.

Pa jaho słovach, u lubym vypadku minskija pažarnyja hatovyja da padobnych incydentaŭ. Paśla ŭvoda ŭ ekspłuatacyju novaha budynka Nacyjanalnaj bibłijateki ŭ ich z’iaviŭsia 90-mietrovy pad’iomnik. Taksama ŭ rasparadžeńni MNS jość viertaloty Mi-8 i Mi-26. «Jany nie zusim prystasavanyja dla pracy ŭ haradskich umovach, chutčej dla tušeńnia lasnych pažaraŭ. U bližejšych płanach u nas nabyćcio viertalota K-32. Jon prystasavany dla haryzantalnaha tušeńnia pažaraŭ, u toj čas jak Mi-8 i Mi-26 — dla viertykalnaha skidvańnia vady».

Viertalot K-32 z haryzantalnaj sistemaj tušeńnia pažaraŭ kaštuje kala 120 młrd. rubloŭ.

SP