U Viciebsku zatrymali Siarhieja Kavalenku

Były palitviazień, nibyta, pierachodziŭ vulicu pa-za piešachodnym pierachodam.

25.03.2013 / 21:09

Pra heta paviedamiŭ viciebski aktyvist Aleś Hałavań:

«My znachodzilisia na suviazi, jon skazaŭ: zaraz mianie zatrymoŭvajuć. Ja jašče z taboj mahu razmaŭlać, ale zaraz u mianie zabiaruć telefon… Ja pytajucia ŭ jaho: za što ciabie zatrymlivajuć? Jon skazaŭ: „Mahčyma, za pierachod vulicy ŭ nienaležnym miescy. Ci zaraz prydumajuć, što ja łajaŭsia matam“. Jon tak skazaŭ».

Nahadajem, Siarhiej Kavalenka ŭ vieraśni 2012-ha byŭ pamiłavany Łukašenkam i vyzvaleny z mahiloŭskaj kałonii. Za kratami jon znachodziŭsia ad śniežnia 2011-ha. U lutym minułaha hoda Kavalenka byŭ asudžany na 2 hady i 1 miesiac kałonii ahulnaha režyma za vyviešany dva hady tamu ŭ Viciebsku na hałoŭnaj jołcy horada bieła-čyrvona-bieły ściah.

Jeŭraradyjo