Biełarus zarabiŭ za 2012 hod 4,9 młn dalaraŭ na apieracyjach z kaštoŭnymi papierami
Padachodny padatak z hetaj sumy skłaŭ amal 600 tysiač dalaraŭ.
22.03.2013 / 11:48
Najbolšuju sumu zadekłaravanaha za 2012 hod dachodu atrymaŭ biełarus, jaki zajmajecca apieracyjami z kaštoŭnymi papierami. Jon zarabiŭ 41,4 miljarda rubloŭ. Adpaviedna, jamu naličany padachodny padatak 5,1 młrd rubloŭ. Pra heta paviedamiła ŭ časie anłajn-kanfierencyi na sajcie «Narodnaj haziety» namieśnicy načalnika hałoŭnaha ŭpraŭleńnia padatkaabkładańnia fizičnych asob Ministerstva pa padatkach i zborach Śviatłana Šaŭčenka.
Staŭka padachodnaha padatku ŭ Biełarusi składaje 12%, jana adna z najnižejšych u Jeŭropie.
Letaś najbolšy dachod składaŭ 21 miljard rubloŭ, jaho dekłaravaŭ žychar stalicy.
Imiony bahatych ludziej padatkovaj inśpiekcyja nie razhałošvaje.