Abama vykazaŭsia za niezaležnaść Paleściny

21.03.2013 / 15:36

Barak Abama i Machmud Abas.

Amierykanski lidar Barak Abama, jaki znachodzicca ź vizitam u Ramale, zajaviŭ, što ZŠA pa-raniejšamu padtrymlivajuć stvareńnie niezaležnaj Paleścinskaj dziaržavy.

Vystupajučy na sumiesnaj z kiraŭnikom paleścinskaj aŭtanomii Machmudam Abasam pres-kanfierencyi, Abama zajaviŭ, što i Izrail, i kiraŭnictva Paleścinskaj aŭtanomii pavinny pierahledzieć svaju pazicyju z tym, kab zrabić mahčymym mirnaje ŭrehulavańnie kanfliktu.

Machmud Abas padkreśliŭ, što dla dasiahnieńnia mirnaha rašeńnia pa paleścina-izrailskim kanflikcie patrebna pierš za ŭsio palityčnaja vola.

Barak Abama ŭ čaćvier prybyŭ u Ramału — administracyjnuju stalicu Paleścinskaj aŭtanomii na Zachodnim bierazie raki Jardan — dla pieramovaŭ z paleścinskim lidaram Machmudam Abasam.