Denisa Rodmana vystavili z bara za ŭschvaleńnie Kim Čen Yna
05.03.2013 / 13:07
Baskietbalista Denisa Rodmana vyhnali z restarana na Manchetenie z-za taho, što jon prystavaŭ da naviedvalnikaŭ z zachoplenymi apoviedami pra paŭnočnakarejskaha lidary Kim Čen Yna, jakoha jon dniami naviedvaŭ, piša New York Post 5 sakavika sa spasyłkaj na ananimnuju krynicu. Incydent adbyŭsia ŭ niadzielu, 3 sakavika, u bary-restaranie haścinicy Time Hotel.
Pa słovach vidavočcy, Rodman pravioŭ u bary kala troch hadzin. Pry hetym jon raspaviadaŭ usim zapar, jaki «Kim vydatny chłopiec» i jak kiraŭnik KNDR chacieŭ by pahutaryć z prezidentam ZŠA Barakam Abamam ab baskietbole. Rodman pakazvaŭ usim kopiju manifiesta Kim Čen Yna ź jaho aŭtohrafam, zaklikajučy ŭsich abaviazkova pračytać hetuju pracu.
Na prośby supracoŭnikaŭ i naviedvalnikaŭ bara pakinuć ŭstanovu abo spynić hetyja razmovy jon nie reahavaŭ, a zaŭvahi pra represii ŭ Paŭnočnaj Karei nie chacieŭ słuchać. U vyniku jaho prymusili syści, bo jon pačaŭ pieraškadžać barmenu pracavać.