Multfilm «Jak ja słužyŭ u pana»

04.03.2013 / 16:54

Animacyjnaja stužka biełaruskaha režysiora Michaiła Tumieli «Jak słužyŭ ja ŭ pana» z cykła «Muzyčnaja škatułka» atrymała pryz žury ŭ naminacyi na najlepšaje hukavoje vyrašeńnie «Za muzyčnuju dramaturhiju» na 18-m Adkrytym rasijskim fiestyvali animacyjnaha kino, što prachodzić u Suzdali.

«Jak słužyŭ ja ŭ pana» — ekranizacyja viadomaj biełaruskaj pieśni pra biednaha rabotnika.

Dypłomam žury «Za tapahrafiju kazačnaści» taksama adznačany biełaruski multfilm «Pilipka» režysiora Taćciany Kublickaj. Hran-pry fiestyvalu atrymała stužka «Bieśśmiarotny» rasijskaha režysiora Michaiła Ałdašyna.