Krymskija žurnalisty apublikavali videa rasstreła mera Simieiza
Kirył Kastenka byŭ zabity strełami z aŭtamata 26 lutaha.
28.02.2013 / 19:33
Kirył Kastenka.
Ukrainski «Centr žurnalisckich rasśledavańniaŭ» apublikavaŭ frahmienty videazapisu z veb-kamiery hatela nasuprać pasiałkovaha savieta Simieiza, na jakim zachavalisia kadry rasstrełu mera pasiołka Kiryła Kastenki 26 lutaha.
Na kadrach bačna, što adrazu za «Mersedesam» Kastenki da stajanki pobač z passavietam padjechaŭ aŭtamabil VAZ-2101, jaki spyniŭsia kala parapieta. Z «kapiejki» ź miesca kiroŭcy vyjšaŭ mužčyna z aŭtamatam. Aŭtamabil Kastenki spyniŭsia vyšej stajanki. Mer adčyniŭ dźviery, u hety momant mužčyna z aŭtamatam padyšoŭ da parapieta i zrabiŭ sieryju strełaŭ u adčynienyja dźviery aŭtamabila Kastenki.
Paśla hetaha mužčyna chutka źjechaŭ. Na videa vyrazna vidać, što da zbroi byŭ pryviazany pakiet, kudy adlatali adstralanyja hilzy — tamu na miescy złačynstva nie było vyjaŭlena ni adnoj.
Tajmier kamiery zafiksavaŭ čas zabojstva — 8.41 ranicy. Na miesca rasstrełu praź niekalki chvilin vybiehli ludzi z passavieta.
Nieŭzabavie kala hary Kotka byŭ znojdzieny spaleny aŭtamabil VAZ z paškodžanym aŭtamatam, ź jakoha mierkavana byŭ rasstralany mer Simieiza.
Pavodle adnoj ź viersij śledstva, zabojstva Kastenki źviazana ź jahonaj prafiesijnaj dziejnaściu.