Bialackaha na paŭhoda pazbavili spatkańniaŭ
14.02.2013 / 15:00
Aleś Bialacki pazbaŭleny spatkańniaŭ, jakija jon musiŭ atrymać u bližejšyja paŭhoda. Hetuju infarmacyju 13 lutaha paćvierdziła administracyja Babrujskaj kałonii № 2, dzie ŭtrymlivajecca palitviazień.
Aleś Bialacki padčas suda.
U 2012 hodzie kiraŭnik začynienaha ŭładami PC «Viasna» byŭ pazbaŭleny adnaho karotkaterminovaha (z troch mahčymych) i adno doŭhaterminovaha (z dvuch mahčymych) spatkańniaŭ z rodnymi. Pra toje, što ŭ novym hodzie jon pazbaŭleny adnaho doŭhaterminovaha spatkańnia, Alesiu Bialackamu stała viadoma 5 lutaha, a raniej jamu paviedamili pra pazbaŭleńnie karotkaterminovaha spatkańnia.
Takim čynam, nastupnaje «płanavaje» spatkańnie čakaje Alesia Bialackaha tolki ŭ žniŭni.
Pravaabaroncy razhladajuć uzmacnieńnie cisku na Alesia Bialackaha, jak i inšych palitviaźniaŭ sa sprobaj uładaŭ damahčysia ad ich prašeńniaŭ pra pamiłavańnie, što vyklikana adnaŭleńniem pieramoŭnych pracesaŭ pamiž biełaruskimi ŭładami i ES.