У чацвер прагназуюць моцную галалёдзіцу
13.02.2013 / 13:47
Месцамі па краіне 14 лютага прагназуецца невялікі снег. Уначы і раніцай у асобных раёнах — туман.
Вецер усходні 3–8 метраў за секунду. Тэмпература паветра ўначы будзе ад нуля да 6 градусаў са знакам мінус, пры праясненнях чакаецца да 7–10 марозу. Днём прагназуецца ад 5 градусаў марозу да 1 градуса цяпла.
Сіноптыкі папярэджваюць, што на працягу сутак 14 лютага на дарогах краіны чакаецца моцная галалёдзіца.