Makiej u Maskvie — uzhadniaje dziejańni z Łaŭrovym
05.02.2013 / 18:12
Ministr zamiežnych spraŭ Biełarusi Uładzimir Makiej 5-6 lutaha znachodzicca z rabočym vizitam u Rasii. Jak paviedamlaje pres-słužba MZS Biełarusi, u Maskvie projdzie jaho sustreča ź ministram zamiežnych spraŭ Rasijskaj Fiederacyi Siarhiejem Łaŭrovym.
Padčas pieramovaŭ kiraŭniki zamiežnapalityčnych viedamstvaŭ dźviuch krain płanujuć abmierkavać aktualnyja pytańni biełaruska-rasijskaha supracoŭnictva, u tym liku rolu zamiežnapalityčnych viedamstvaŭ dźviuch krain u raźvićci intehracyjnych pracesaŭ, praktyčnaje ŭzajemadziejańnie na mižnarodnaj arenie, realizacyju prahramy ŭzhodnienych dziejańniaŭ u halinie zamiežnaj palityki dziaržaŭ - udzielnic dahavora ab stvareńni sajuznaj dziaržavy na 2012-2013 hady.
Z udziełam Makieja ŭ biełaruskaj ambasadzie ŭ Maskvie buduć abmierkavanyja pytańni pavyšeńnia efiektyŭnaści ŭdziełu krainy ŭ intehracyjnych pracesach z ulikam staršynstva Biełarusi ŭ SND, novaha etapu raźvićcia AEP, aktyvizacyi ŭzajemadziejańnia pa realizacyi prahram i prajektaŭ u ramkach sajuznaj dziaržavy.