«Miłan» daje 20 młn jeŭra za Bałateli ŭ rasterminoŭku
28.01.2013 / 16:12
«Miłan» maje namier damovicca z «Mančesteram Sici» ab kupli forvarda Marya Bałateli ŭ rasterminoŭku.
Italjanski kłub hatovy vypłacić za forvarda 20 młn jeŭra na praciahu šaści hadoŭ. «Mančestar Sici», u svaju čarhu, praciahvaje patrabavać za Bałateli 25 miljonaŭ jeŭra.
Adznačym, što pradstaŭniki «Miłana» užo prystupili da składańnia asabistaha kantraktu Bałateli -- miarkujecca, što damova budzie raźličany jak minimum da 2017 hoda.
Raniej vice-prezident italjanskaha kłuba Adryjana Hałijani acaniŭ vierahodnaść transfieru Bałateli ŭ 0,01 adsotka.
Ale siońnia Bałateli raźvitaŭsia z adnakłubnikami i trenierskim štabam paśla ranišniaj treniroŭki. U bližejšyja sutki 22-hadovy futbalist palacić u Itałiju, kab prajści miedycynski ahlad u «Miłanie».