Hałoŭny doktar CRB: Epidemii mieninhitu ŭ Ašmianach niama

09.01.2013 / 14:01

Navina ab tym, što ad uspyški mieninhitu pamierli dvoje dziaciej, źjaviłasia ŭ biełaruskich ŚMI 9 studzienia. Pavodle raspaŭsiudžanaj infarmacyi chvaroba zabrała žyćci dziaŭčynki 14-i hadoŭ i chłopčyka 4-ch hadoŭ.

— Nijakaj epidemii ŭ našym horadzie niama, — prakamientavaŭ situacyju dla «Rehijanalnaj haziety» Uładzimir Kunc, hałoŭny doktar Centralnaj rajonnaj balnicy Ašmianaŭ.
— I nie treba z hora baćkoŭ rabić siensacyju dla ŚMI.

Jak paviedamiŭ doktar, dzieci byli chvoryja nie na mieninhit, a na mieninhakokavuju infiekcyju.

U pieršym vypadku ŭ chvorych nazirajecca zapaleńnie abałonak hałaŭnoha mozhu, u druhim takoha simptomu niama. Krynicaj mieninhakokavaj infiekcyi źjaŭlajucca ŭzbudžalniki, jakija maje ŭ svaim arhaniźmie kožny dziasiaty čałaviek.

— Dastatkova časovaha pasłableńnia imunitetu, kab uzbudžalniki aktyvizavalisia, — havoryć Uładzimir Kunc. — Tak skłalisia abstaviny, što na hetym tydni ŭ nas zachvareli dvoje dziaciej. Nijakaj uspyški rajonnaha maštabu niama. Jość vialikaje niaščaście baćkoŭ, jakim možna tolki paspačuvać.