Kazachstan hatovy ŭdzielničać u pryvatyzacyi biełaruskich pradpryjemstvaŭ
14.12.2012 / 16:02
Pra heta zajaviŭ kazachstanski pasoł Jerhali Bulehienaŭ 14 śniežnia na
«U Kazachstana jość mahčymaści dla inviestavańnia ŭ zamiežnych krainach. U Biełaruś taksama hatovy inviestavać, udzielničać u akcyjanavańni pradpryjemstvaŭ,— skazaŭ dypłamat. — Ale, zrazumieła, Kazachstan pryjdzie i budzie inviestavać, tolki kali heta budzie ŭzajemavyhadna. Tak što heta pytańnie — sprava času, umoŭ i pieramoŭ».
Pavodle jaho słoŭ, ciapier iduć pieramovy adnosna pradpryjemstva «Mahiloŭchimvałakno».«Tam uzajemnyja intaresy i ŭ Biełarusi, i ŭ Kazachstana. Ekśpierty pryjazdžajuć, pieramovy iduć», — skazaŭ Bulehienaŭ. Pry hetym jon nie skazaŭ, pra jakija terminy i sumy idzie havorka, spasłaŭšysia na tajnu pieramoŭnaha pracesu.