Джордж Буш стане дзедам
Дачка былога прэзідэнта ЗША Джорджа Буша-малодшага паведаміла ў адной з праграм тэлеканала NBC, што цяжарная.
13.12.2012 / 12:10
Джэна Буш (злева) разам з маці Лорай і сястрой Барбарай, якая не замужам і дзяцей не мае.
31-гадовая Джэна Буш Хаджэр і яе муж Генры жанатыя ўжо чатыры гады. Для Джорджа і Лоры Буш дзіця Джэны будзе першым унукам.
«Мы так рады і, вядома, усхваляваныя гэтым. Я стану мамай eпершыню. Але гэта тое, чаго я заўсёды хацела. Я — настаўніца і люблю дзяцей», — сказала яна.
Гледачы таксама мелі магчымасць пачуць, што думаюць на гэты конт Джордж Буш і яго жонка Лора.
«Я шчаслівая!», — паведаміла будучая бабуля па тэлефоне. «Я ў захапленні!», — дадаў будучы дзядуля.