Biełaruskaje słova štodnia — u Facebook
Źjaviłasia novaja supołka.
10.12.2012 / 13:54
U Fejsbuku źjaviłasia staronka «Biełaruskaje słova štodnia», na jakoj pačynajučy z 22 śniežnia buduć štodzień źjaŭlacca redkija albo dobra zabytyja biełaruskija słovy z tłumačeńniem i spasyłkaj na krynicu (słoŭnik, navukovy artykuł).
«Ideja źjaviłasia spantanna. Ja paraŭnoŭvaŭ situacyju nośbitaŭ biełaruskaj movy ŭ Biełarusi z rasiejskaj i polskaj u hetych krainach. Jany vyvučajuć svaje movy ŭ štodzionnym užytku, całkam naturalna i nienapružna. A ŭ nas tak nie byvaje, bo biełaruskaja mova ŭ Biełarusi maje inšy status i ŭmovy funkcyjanavańnia. Biełaruskaja mova nie vykładajecca naležnym čynam u VNU, pra škoły ja ŭžo nie kažu, dyk biełaruskamoŭnym praktyčna zaŭždy davodzicca davučvacca. Prablema ŭ tym, što miescaŭ takoha davučvańnia amal niama, nie kažučy ŭžo pra toje, što nie zaŭždy čałaviek moža sam akreślić, ci dobruju jon znajšoŭ krynicu viedaŭ», — kaža zasnavalnik prajekta Alaksandr Navicki.