У прыватны дом у вёсцы Ярф’ёрд на поўначы Нарвегіі праніклі 4 мядзведзі і выпілі 100 бляшанак піва. Пра гэта паведамляе нарвежскае выданне The Local.

Як распавёў уласнік дома Эвен Бортэн Нільсэн, ноччу, калі гаспадары адсутнічалі, у яго дом уварвалася мядзведзіца з трыма медзведзянятамі. Мядзведзі выламалі знешнюю сцяну дома і, прабраўшыся ўнутр, з’елі ўсе ласункі, уключаючы мёд і шакаладную пасту, і выпілі 100 бляшанак піва.

Акрамя таго, па словах Нільсэна, мядзведзі ўчынілі пагром: яны разламалі ложкі, адчынілі ўсе шафы і сарвалі са сцен паліцы.

Мама і бабуля Нільсэна, якія вярнуліся раніцай дадому і пабачылі там беспарадак, адразу зразумелі, хто яго вінаваты: на падлозе яны ўбачылі экскрыменты мядзведзяў і сляды іх лап.

На думку Нільсэна, той факт, што мядзведзіца ўзяла з сабой сваіх медзведзянятаў, кажа пра тое, што яны з высокай верагоднасцю могуць зноў прыйсці да яго ў дом.
Клас
0
Панылы сорам
0
Ха-ха
0
Ого
0
Сумна
0
Абуральна
0