Валерыя Таратынка на фота справа. Фота: Дом прэсы

Валерыя Таратынка на фота справа. Фота: Дом прэсы

У Доме прэсы сёння прайшла прэс-канферэнцыя на тэму «Аб генацыдзе беларускага народа ў гады Вялікай Айчыннай вайны. Карныя аперацыі». Звяртае на сябе ўвагу адна з удзельніц мерапрыемства — старшы пракурор упраўлення па наглядзе за расследаваннем асабліва важных крымінальных спраў Генеральнай пракуратуры Валерыя Таратынка.

Яна расказала пра вынікі расследавання генацыду і прарэкламавала кнігу генпракурора Андрэя Шведа. І дадала, што выданне «атрымала высокую ацэнку ад вышэйшых службовых асоб Германіі і Бразіліі».

У пракуратуры Таратынка працуе з 2017 года. У 2020-м яна была старшай памочніцай пракурора Фрунзенскага раёна Мінска. У канцы 2021-га ўжо працавала ў Генпракуратуры — пракурорам ва ўпраўленні ўзаемадзеяння са СМІ і рэдакцыйнай дзейнасці.

На цяперашняй пасадзе Таратынка згадваецца з лета 2022 года.

Яна стала адной з укладальнікаў вучэбнага дапаможніка для 1-4 класаў «Генацыд беларускага народа ў гады Вялікай Айчыннай вайны». Сярод рэцэнзентаў падручніка, які выдалі сёлета, — дэпутат Ігар Марзалюк.

Пракурорка ездзіць таксама на сустрэчы з калектывамі, дзе расказвае пра генацыд у гады ВАВ.

28-гадовая Валерыя Таратынка спрычынілася да некалькіх гучных палітычных справаў.

Сярод іншага, была абвінаваўцай па справе мінчукоў, што пакінулі надпіс «Не забудзем» на тратуары на месцы гібелі Аляксандра Тарайкоўскага, а таксама на судзе наконт аплявухі прапагандысту Рыгору Азаронку.

У некалькіх судовых справах яна была пацярпелай — ад каментарыяў.

«Калі мне было гадоў сем, маці спытала, кім я хачу стаць у будучыні, — узгадвала яна. — Не задумваючыся, адказала: «Пракурорам!» Усё таму, што ў дзяцінстве была вялікай прыхільніцай серыяла «Таямніцы следства». Я часта глядзела з бацькамі навіны, асабліва падабаліся сюжэты, у якіх людзі ў пагонах давалі каментары па крымінальных справах».

Чытайце таксама:

Пракурорцы Таратынка далі кватэру ў Сеніцы?

Далёка пойдзе. Расказваем пра маладую амбіцыйную пракурорку, якая ставіць рэкорды па палітычных справах

Самыя «эфектыўныя» суддзі Мінска: колькі пратэстоўцаў адправілі ў калоніі і каго судзілі за грамадзянскую пазіцыю

За абразу пракуроркі Таратынка мужчыну пакаралі двума гадамі хатняй хіміі

Яшчэ трое пратэстоўцаў атрымалі тэрміны за надпіс «Не забудзем» на месцы гібелі Тарайкоўскага

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?