Святлана Ціханоўская. Фота: ОСЦ

Святлана Ціханоўская. Фота: ОСЦ

Сёння, 27 лістапада, гадавіна Слуцкага збройнага чыну [супраціў жыхароў Случчыны ў 1920 годзе Чырвонай Арміі, якая рухалася з усходу — НН]. І ў савецкія часы, і зараз гэтая частка нашай гісторыі замоўчваецца ці ад яе ўвогуле адмаўляюцца. З гэтай нагоды беларуская лідарка запісала зварот, у якім нагадала пра падзеі таго часу.

«У 1920 годзе беларусы больш за месяц змагаліся за свабоду і права жыць у вольнай краіне. Сяляне ды інтэлігенцыя стаялі плячо да пляча і баранілі незалежную Беларускую Народную Рэспубліку. Яны імкнуліся захаваць нашу краіну непадзельнай — і спыніць агрэсію з боку краіны-суседкі.

Сёння Беларусі зноў пагражае паглынанне. Як і 100 гадоў таму, Расія насаджае ўласныя ідэі і каштоўнасці, каб знішчыць нашае права на самавызначэнне. Але мы не маем права саступіць у гэтай барацьбе. Бо інакш знікне не толькі наша краіна, але і наша ідэнтычнасць», — зазначыла Святлана Ціханоўская.

Яна заклікала бараніць родную культуру, мову, гісторыю.

«Гэта і будзе нашым сучасным супрацівам імперскаму «рускаму свету», — рэзюмавала Святлана Ціханоўская.

Чытайце таксама:

«Дапамажыце нам вырваць Беларусь з кіпцюроў Расіі» — Ціханоўская ў Нямеччыне

Ціханоўская распачала візіт у Германію

Ціханоўская заклікала байкатаваць выбары 2024 года

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?