Ілья Двойрын. Фота: сацсеткі
Ілью затрымалі 4 ліпеня разам з сынам Дзмітрыем і нявесткай Вікторыяй, а таксама іншымі сваякамі. Па месцы жыхарства правялі ператрус. Пазней Двойрына змясцілі ў віцебскі ІЧУ.
На Ілью спачатку склалі адміністрацыйны пратакол і арыштавалі на 15 сутак. Паводле пратакола, раніцай 16 мая на аўтобусным прыпынку мужчына расклеіў улёткі з выявай Пуціна і тэкстам на палітычную тэматыку. Пасля гэтага супраць Двойрына завялі крымінальную справу за хуліганства.
27 верасня абвінавачанне запрасіла пакараць Двойрына пазбаўленнем волі тэрмінам на адзін год умоўна.
Менавіта такі прысуд і вынес сёння суддзя Віталь Лапко, піша «Вясна».
Чытайце таксама:
У Наваполацку за чатыры падпіскі ў фэйсбуку на 15 сутак арыштавалі фельчара
