Фота: npbp.by

Фота: npbp.by

Супрацоўнікі навуковага аддзела Нацыянальнага парку праводзяць улік барсукоў, выкарыстоўваючы метад выяўлення жылых паселішчаў.

У сваёй нары гэты звярок жыве цэлы год, у адрозненне ад іншых норных драпежнікаў.

«Звычайна ўлік норных драпежнікаў павінен праводзіцца адзін раз на тры гады. Пакуль што з 90 паселішчаў барсука ў Белавежскай пушчы (даныя інвентарызацыі 2019-2020 гадоў) абследавана больш за 50, з якіх жылых — больш за 30», — распавялі ў Нацпарку.

Маніторынгавыя назіранні працягнуцца. Канчатковыя вынікі інвентарызацыі барсуковых паселішчаў навукоўцы атрымаюць да канца гэтага года. Такі ўлік вельмі важны для правядзення ахоўных мерапрыемстваў у месцах пражывання чырванакніжных жывёл.

Барсук вядзе падземны лад жыцця. Гэтыя драпежнікі могуць вырыць норы з мноствам адгалінаванняў, за што часцяком іх яшчэ называюць барсучынымі мястэчкамі.

У такім жыллі бывае некалькі ўваходаў, а на глыбіні 2-3 метраў размяшчаюцца гнездавыя камеры, дзе ў звяркоў нараджаецца патомства, дзе яны адпачываюць ці проста спяць.

Увесну і ўвосень барсукі робяць у сваіх норах генеральную ўборку, асабліва старанна рыхтуюцца да зімовай спячкі. Дарэчы, напярэдадні зімы яны ўзмоцнена сілкуюцца, каб назапасіць у арганізме тлушч.

У кастрычніку-лістападзе барсукі ўпадаюць у спячку, якая доўжыцца чатыры-пяць месяцаў.

Чытайце таксама:

У Беларусі створаць новую Чырвоную кнігу і выключаць з яе некаторыя віды

Таксіст спрабаваў аб'ехаць барсука. І жывёла загінула, і аўтамабіль перакуліўся

У Калодзішчах пад Мінскам заўважылі мядзведзя

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?