Фота: БелТА

Фота: БелТА

«Такія незалежныя і сацыяльна арыентаваныя краіны, як Беларусь, — костка ў горле для Захаду. Пра гэта заявіла старшыня Савета Рэспублікі Наталля Качанава падчас сустрэчы з працоўным калектывам ААТ «Мінскі домабудаўнічы камбінат», піша БелТА.

«Вы бачыце, што палітычная сітуацыя, якая складваецца вакол нашай краіны, сапраўды няпростая. Калі яшчэ ў 2020 годзе камусьці было незразумела, то тры гады прайшло — і ўсе ўбачылі, што гэта было выразна накіравана на развал нашай краіны. Такія краіны, як наша, — костка ў горле для многіх. Бо мы жывём сваім розумам, сваімі традыцыямі, і ўсё ў краіне робіцца для народа. Але самае галоўнае — трэба разумець, што трэба захаваць краіну. Не будзе нам шчасця нідзе ў іншай краіне», — сказала Наталля Качанава.

Беларусь за 30 гадоў здолела пабудаваць суверэнную, незалежную краіну, як мяркуе трэці чалавек у краіне.

«Мы дакладна памятаем, што адбывалася і як мы апынуліся на развале Савецкага Саюза. Была краіна — і няма. І вось за гэты перыяд пабудавалі прыгажуню-краіну.

Сёння ўсе прыязджаюць і кажуць: цудоўная краіна. Вучыцеся, працуйце, стварайце сем'і, нараджайце дзяцей. Хто як хоча рэалізаваць сябе ў нашай краіне — усе магчымасці для гэтага ёсць», — адзначыла спікер.

«Сацыяльна арыентаваная дзяржава — наш прыярытэт, — падкрэсліла Наталля Качанава. — Каб захаваць тыя сацыяльныя выгоды, якія мае наша дзяржава і нашы людзі, павінны працаваць прадпрыемствы, бо адлічэнне падаткаў, фарміраванне бюджэту дазваляе выплачваць пенсіі, дапамогу сем'ям, якія выхоўваюць дзяцей, вырашаць пытанні ў [галіне] аховы здароўя, набываючы сучаснае абсталяванне і выплачваючы заработную плату лекарам, настаўнікам,

гарантуючы бяспеку нашай краіны і спакой на нашых вуліцах.

Гэта дарагога варта. І на гэта ўсё, вядома, патрэбныя сродкі. Для гэтага павінны працаваць такія прадпрыемствы, як ваша».

Чытайце таксама:

Наталля Качанава заявіла, што часам ёй хочацца ўстаць і крычаць

«Наталля Іванаўна, вы можаце проста адчыніць нам вароты ноччу». Пракоп'еў звярнуўся да Качанавай

Наталля Качанава: Мы праводзім вялікую працу ў краіне, каб зрабіць жыццё нашых людзей лепшым

Колькі каштуе модны «лук» Качанавай?

Клас
0
Панылы сорам
11
Ха-ха
30
Ого
2
Сумна
1
Абуральна
15