Здымак ілюстрацыйны. Фота: unsplash.com

Здымак ілюстрацыйны. Фота: unsplash.com

«60% ад агульнага аб'ёму продажаў займае Турцыя»

Юлія Барышчук, кіраўніца аддзела продажаў турыстычных паслуг «АлатанТур»:

«Калі турысты плануюць ляцець прамым рэйсам з Мінска, то спіс краін, дзе можна бюджэтна адпачыць, будзе наступным:

  • Турцыя (ад 600 еўра),
  • Егіпет (ад 850 даляраў),
  • Грузія (ад 600 даляраў),
  • ААЭ (ад 590 даляраў),
  • Арменія (ад 700 даляраў),
  • Азербайджан (ад 700 даляраў).

Сумы пазначаныя на аднаго чалавека.

Вядома ж, 60% ад агульнага аб'ёму продажаў тураў займае Турцыя. У гэтым сезоне турысты сталі актыўна браніраваць і паездкі ў еўрапейскія краіны з вылетамі з Літвы і Польшчы. А лідарам сярод іх, паводле звестак нашага агенцтва, з'яўляецца Грэцыя.

Здымак ілюстрацыйны. Фота: unsplash.com

Здымак ілюстрацыйны. Фота: unsplash.com

У гэтым сезоне турысты часцяком выбіраюць экзотыку з вылетамі з Масквы чартарнымі рэйсамі. Праўда, варта адзначыць, што ў такіх краінах лета лічыцца несезонам. Аднак дажджы ідуць рэдка, а цэны часцяком як у Турцыю.

Напрыклад, Шры-Ланка з Масквы будзе каштаваць ад 900 даляраў, а Куба — ад 1200 даляраў з разліку на аднаго чалавека. На Мальдывах у несезон гатэлі даюць вялікія зніжкі (да 40%) на пражыванне. У добры гатэль можна злётаць ад 2200 даляраў за аднаго турыста.

«На гарачых турах можна ашчадзіць максімум 20% ад кошту»

Попыт на туры ў гэтым сезоне сапраўды вялікі. Калі і разглядаць гарачыя туры, то з вылетамі з Масквы. Такім чынам можна ашчадзіць максімум 20% ад кошту тура.

Калі плануеце паехаць у адпачынак восенню ці зімой, то выбіраць тур неабходна ўжо цяпер. Калі не зрабіць гэтага ў ліпені-жніўні, будзе праблематычна знайсці прыемную па цане і добрую пуцёўку. Асабліва гэта тычыцца такіх напрамкаў, як Мальдывы і ААЭ.

Варта разумець, што пікавыя даты — гэта зімовыя канікулы і Новы год.

Здымак ілюстрацыйны. Фота: unsplash.com

Здымак ілюстрацыйны. Фота: unsplash.com

Тыя турысты, якія хочуць атрымаць уражанні, а не проста пляжны адпачынак, могуць паехаць у Стамбул і Кападокію. Нашым турыстам рэкамендуем ехаць туды восенню. Цана на такі тур будзе стартаваць ад 700 еўра на чалавека. Праўда, калі плануеце палётаць на паветраным шары, варта ўлічваць кошт — гэта абыйдзецца ў 200 еўра на чалавека.

Таксама бюджэтным варыянтам будуць аўтобусныя туры па Еўропе з наведваннем папулярных гарадоў. Цэны на іх — ад 400 еўра на чалавека».

«Аўтобусныя туры па бюджэце і якасці — адно з аптымальных рашэнняў»

Вольга Курманава, дырэктарка кампаніі ТАА «ТОП-ТУР т»:

«У гэтым сезоне павялічылася колькасць продажаў у кірунку ААЭ, якія сталі больш даступнымі ў цэнавай палітыцы для турыстаў, чым, да прыкладу, 3-4 гады таму.

Упэўненымі лідэрамі продажаў з'яўляюцца аўтобусныя туры ў Еўропу, бо з пункту гледжання бюджэту і якасці гэта адно з аптымальных рашэнняў для турыстаў, якія жадаюць атрымаць шэнгенскую візу і адпачыць на моры за адносна невялікую суму. Італія ў гэтым годзе папулярная сярод турыстаў. Напрыклад, да канца жніўня ў нашых аўтобусах ужо няма вольных месцаў.

Значна павялічана колькасць авіярэйсаў у гарады РФ. Адпачынак у Краснадарскім краі, Сочы і Анапе выбірае даволі вялікая колькасць турыстаў.

Здымак ілюстрацыйны. Фота: unsplash.com

Здымак ілюстрацыйны. Фота: unsplash.com

Вядома, нельга не адзначыць абмежаванасць варыянтаў атрымання турыстычных шэнгенскіх віз, некаторыя краіны на дадзены момант іх проста не адкрываюць. Калі неабходная віза, мы рэкамендуем планаваць паездку не пазней, чым за 2-3 месяцы да пачатку падарожжа. Гэта дазволіць тураператару падаць спісы на візу ў амбасаду і атрымаць патрэбную колькасць слотаў. Сам працэс разгляду дакументаў складае ад 7 да 25 каляндарных дзён.

«За ўражаннямі — у круіз па рэках і Міжземным моры»

Па маіх назіраннях, эпоха гарачых тураў скончылася. Гэта было актуальна, калі для невялікай Беларусі быў празмернасць кірункаў. Яшчэ пару гадоў таму летам у адзін дзень магло ляцець 10 самалётаў у Турцыю, два ў Балгарыю, а таксама чартары ў Егіпет, Албанію, Іспанію, Грузію, Італію. Акрамя таго, актыўна выкарыстоўваліся аэрапорты суседніх краін: Расія, Літва, Польшча.

Натуральна, пры такой колькасці прапаноў многія тураператары неслі страты. Імкнучыся іх нівеліраваць, прадавалі туры значна ніжэй за сабекошт. Але на дадзены момант гарачы тур — гэта, хутчэй, адзінкавая прапанова на рынку. Пры выбары такой пуцёўкі турыст сутыкнецца з абмежаванымі прапановамі па гатэлях, тэрмінах тура, датаў вылету і колькасці чалавек.

Ранняе браніраванне (5-8 месяцаў да тура) — адзін з аптымальных і выгадных спосабаў планаваць свой адпачынак.

Па-першае, большасць сапраўды якасных гатэляў даюць зніжкі ранняга браніравання да 60% на пражыванне, дзейнічаюць акцыі 2+1, 2+2, калі дзеці жывуць бясплатна ў гатэлі.

Па-другое, ёсць магчымасць параўнаць розныя краіны і прапановы, выбраць прыдатныя даты і тэрміны тура.

Па-трэцяе, тураператары, як правіла, даюць растэрміноўку плацяжу на ранняе браніраванне.

Турыстам, якія хочуць яркіх уражанняў, я параіла б разгледзець нетрывіяльныя туры, да прыкладу, круізы па рэках Расіі на цеплаходах і марскія круізы па Міжземным моры. Калі браніраваць іх загадзя, то кошт каюты на дваіх можа скласці каля 1150 даляраў за 5-7 дзён адпачынку.

Здымак ілюстрацыйны. Фота: unsplash.com

Здымак ілюстрацыйны. Фота: unsplash.com

Акрамя таго, шмат цікавых напрамкаў з зручнай лагістыкай з Мінска ва Узбекістан, Кыргызстан, Іран, Дагестан, Арменію, Грузію, а таксама вялікая колькасць бюджэтных аўтобусных тураў у Італію, Францыю і Венгрыю».

«Замест адпачынку на пляжы можна паехаць у гастратур»

Вольга Сарокіна, спецыялістка па турызме ТАА «Сакуб»:

«Для многіх турыстаў адпачынак асацыюецца з адпачынкам на моры. Самы бюджэтны варыянт для беларусаў у сезоне-2023 — гэта Грузія з вылетам з Мінска і Турцыя з Масквы. Вельмі добрыя цэны на ААЭ, таму, нягледзячы на высокую тэмпературу, дадзены кірунак у летні перыяд у прыярытэце ў нашых турыстаў.

Сярэдні чэк на такую пуцёўку — 2000 даляраў на дваіх за пакетны тур, які ўключае авіяпералёт, пражыванне, харчаванне, трансфер, медыцынскую страхоўку і паліўны збор.

Хачу адзначыць, што туры з вылетам з Масквы сталі нашмат больш выгадныя, таму нашы турысты пачалі звяртаць на іх увагу. Таксама вылятаць на адпачынак можна з Варшавы, Вільні, Каўнаса, Рыгі і іншых еўрапейскіх гарадоў.

«Ранняе браніраванне дазваляе ашчадзіць да 30% ад кошту пуцёўкі»

Многія любяць чакаць гарачыя туры. Але ці варта? Калі выбралі пуцёўку і ў ёй усё задавальняе, то адназначна варта браніраваць. Калі ж выходзіце за рамкі бюджэту ці не падабаецца прапанова, то можаце пачакаць гарачы тур. Аднак можна застацца ні з чым. Патрэбны гатэль можа быць перапоўнены, а авіябілеты проста адсутнічаць, бо ўсе раскупілі. У выніку проста застанецеся сядзець на сабраным чамадане або пераплаціць за не вельмі прыдатны тур.

Разумна планаваць свой адпачынак загадзя. Гэта магчымасць ашчадзіць да 30% ад кошту пуцёўкі. Напрыклад, такія напрамкі, як Мальдывы, Сейшэлы, Тайланд, Занзібар трэба браніраваць загадзя (нават за паўгода).

Здымак ілюстрацыйны. Фота: unsplash.com

Здымак ілюстрацыйны. Фота: unsplash.com

Акрамя адпачынку на моры можна забраніраваць экскурсійныя туры. Гэта могуць быць авіятуры або аўтобусныя паездкі ў Еўропу. Іх кошт — ад 250 еўра на аднаго чалавека. Арменія, Азербайджан, Грузія, Расія — вельмі каларытныя напрамкі. Калі не хочацца традыцыйнага адпачынку на пляжы, можна паехаць, напрыклад, у гастратур».

«Сярод экзатычных краін карыстаецца попытам Малайзія»

Аліна Карповіч, дырэктарка Madera Travel і Travel HUB:

«Турцыю і Егіпет сёлета ўжо складана назваць бюджэтнымі. Напрыклад, кошт адпачынку ў Егіпце (прычым не ў самых лепшых гатэлях) стартуе ад 2000 даляраў і вышэй на дваіх. Рэйсы з Масквы будуць таннейшыя, але з Мінска самалёты лётаюць без такіх затрымак рэйсаў, як могуць быць у Расіі.

Сярод нашых турыстаў таксама папулярныя Грузія і Арменія. Гэтыя напрамкі выбіраюць яшчэ і па той прычыне, што не трэба атрымліваць візу.

Адзін з самых бюджэтных варыянтаў адпачынку ў гэтым сезоне — гэта ААЭ. Цэны могуць стартаваць ад 1200 даляраў (са сняданкамі), на ўсё ўключана — ад 2000 даляраў на дваіх. Праўда, летам у ААЭ вельмі горача, таму не кожны выбірае гэты адпачынак для сябе.

Калі гаворым пра Еўропу, то адразу ж неабходна падумаць аб атрыманні візы. І тут толькі два варыянты: альбо гатовая шэнгенская віза, альбо запас часу на яе адкрыццё. У асноўным выбіраюць для адпачынку Грэцыю, бо цяпер прасцей за ўсё атрымаць гэтую візу. Візы Італіі, Францыі, Германіі атрымаць будзе складаней за ўсё з-за адсутнасці слотаў для запісу ў амбасаду.

Здымак ілюстрацыйны. Фота: unsplash.com

Здымак ілюстрацыйны. Фота: unsplash.com

Калі хочацца паехаць не толькі на пляжны адпачынак, але і за ўражаннямі, можна разгледзець экскурсійныя або камбінаваныя туры. У такіх варыянтах пляжны адпачынак разводзіцца цікавай праграмай, каб паглядзець славутасці.

Калі ж пацягнула на экзотыку, то можна звярнуць увагу на Малайзію. У нас карыстаецца попытам Куала-Лумпур з востравам Лангкаві. Такі тур будзе каштаваць ад 1995 даляраў на чалавека».

Чытайце таксама:

«Аўтамабільныя страхоўкі пацягнулі на 250 еўра». Беларусы паехалі ў адпачынак у Чарнагорыю і ўляцелі ў капеечку

«Добры варыянт паляцець на Кіпр — набыць квіток ад 70 да 100 еўра». Як правесці адпачынак на Міжземным моры і не пайсці з торбай

Каб вандроўка не ператварылася ў сваркі: як паводзіць сябе, калі падарожнічаеш у кампаніі

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?