У навагоднюю ноч пінчук пакінуў каментар пра Лукашэнку. Яго асудзілі да 2 гадоў «хіміі»
Суд Пінскага раёна і Пінска асудзіў паводле ч. 1 арт. 368 КК (абраза Лукашэнкі) мясцовага жыхара Уладзіміра Хмуру. Суддзя Яўгенія Мельнік прызначыла яму два гады «хіміі». Прычынай стаў каментар у закрытай групе «УКантакце» пад выявай Лукашэнкі ў навагоднюю ноч.
Згодна з версіяй абвінавачвання, 31 снежня 2022 года ў 23 гадзіны 54 хвіліны Хмура, «маючы намер і мэту на публічную абразу Лукашэнкі, наўмысна, у закрытым публічным чаце пад графічнай выявай Лукашэнкі размясціў каментар у дачыненні да яго, у якім маецца негатыўная ацэнка Лукашэнкі ў ненарматыўнай форме». Змест каментара праваабаронцам невядомы.
Уладзімір у судовым пасяджэнні сваю віну прызнаў цалкам, ад дачы паказанняў адмовіўся, піша «Вясна».
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
