Зенітна-ракетны комплекс Patriot. Фота: AP
Некалькі краін паабяцалі хутка перадаць Украіне сістэмы супрацьпаветранай абароны Patriot. Пра гэта паведаміў прэм'ер-міністр Польшчы Матэвуш Маравецкі па выніках саміту Еўрапейскай палітычнай супольнасці, які праходзіў 1 чэрвеня ў Малдове, піша polskieradio24.pl.
Маравецкі падкрэсліў, што вельмі важна, каб краіны-саюзніцы падзяліліся з Украінай сістэмамі Patriot.
Ён растлумачыў, што Польшча не можа гэтага зрабіць, бо сама адчувае недахоп гэтых комплексаў. Ён расказаў, што падчас сустрэчы ў Малдове прэм'ер-міністры некалькіх краін абяцалі паставіць Patriot Украіне.
«Ёсць заявы аб хуткай перадачы сістэм», — сказаў Маравецкі.
Ён дадаў, што сустрэча ў Малдове была вельмі канструктыўнай і пазітыўнай.
Учора ў Малдове кааліцыя F-16 правяла перамовы аб навучанні, пастаўках і інфраструктуры для самалётаў.
Чытайце таксама:
Зяленскі назваў умову, пры якой спыніцца тэрор Расіі
Украіна збіла расійскі самалёт з дапамогай сістэмы Patriot — СМІ
