Мінадукацыі: Адзнакі на ЦЭ перагляду не падлягаюць. Апеляцыю падаць нельга
Міністэрства адукацыі нагадала, што адзнакі, атрыманыя на цэнтралізаваным экзамене, не падлягаюць перагляду. Як паведамілі «Спутніку» ў прэс-службе ведамства, гэта прадугледжана правіламі атэстацыі, прынятымі ў 2022 годзе ў сувязі з увядзеннем ЦЭ.
Фота: БелТА
Адпаведна, падаць апеляцыю ў сувязі з нязгодай з ацэнкай, атрыманай за экзамен па рускай або беларускай мове, выпускнікі школ не могуць.
Напярэдадні Міністэрства адукацыі апублікавала вынікі першага цэнтралізаванага экзамену (ЦЭ), які адбыўся 14 мая па беларускай і рускай мовах. «Моўны» ЦЭ напісалі больш за 53 тысячы выпускнікоў школ. Максімальныя 100 балаў атрымалі 413 вучняў па беларускай мове і 482 чалавекі па рускай мове.
Вынікі выклікалі шквал эмоцый як у саміх абітурыентаў, так і ў іх бацькоў.
Чытайце таксама:
Скандал з ЦЭ: выпускнікі скардзяцца на памылкі ў выніках, абураныя школьнікі і іх бацькі абрываюць тэлефоны Мінадукацыі
«Поўны фэйк». Міністр адукацыі пахваліўся поспехамі на цэнтралізаваным экзамене і не прызнаў ані найменшых праблем
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
