Прайшло толькі паўгода, але праблема зноў актуалізавалася, піша тое ж выданне «Магілёў.Media». Частка драўляных дошак, якімі забілі ўваход у каплічку, ужо выламаная, а ўсярэдзіну культавага збудавання зноў пачалі закідаць смецце.
На цяперашні момант усярэдзіне капліцы валяецца надмагільны мармуровы помнік і спілаваныя дзве бярозавыя калодкі. Пасля, як мяркуе выданне, смецця будзе яшчэ больш, бо ўвайсці ў драўлянае стогадовае збудаванне зноў можна лёгка, як і насмеціць там.
З’явілася і яшчэ адна праблема. На самым версе чатырохскатнага даха капліцы да нядаўняга часу знаходзіўся невялікі драўляны крыж, які сведчыў пра культавае значэнне збудавання. Сёння ж на версе капліцы крыжа няма, ён згубіў сваю гарызантальную перакладзіну і цяпер выглядае простай вертыкальнай палкай наверсе драўлянага помніка.
Чытайце таксама:
У Беларусі адкрылі палац Булгакаў пасля рэстаўрацыі, якая доўжылася 14 гадоў
У Ружанах аднаўляюць капліцу святога Казіміра
Як выглядае сядзіба Тадэвуша Рэйтана ў Грушаўцы, дзе праходзіць рэканструкцыя
у праваслаўных можа і мае нейкую асаблівую каштоўнасцьць
дык хай самі і клапоцяцца