Алімпійскі чэмпіён па скачках на батуце Улад Ганчароў будзе выступаць у самым знакамітым цырку свету 7

Першы ў гісторыі Беларусі алімпійскі чэмпіён па скачках на батуце Уладзіслаў Ганчароў вырашыў кардынальна памяняць кар'еру. 28-гадовы спартсмен прыняў прапанову знакамітага канадскага Cirque du Soleil і напісаў заяву аб звальненні з нацыянальнай зборнай, піша «Прэсбол».

Вядомы спартсмен стаміўся чакаць сур'ёзных міжнародных стартаў, а таксама відавочна не задаволены роляй другога нумара каманды пасля Івана Літвіновіча. Немалаважным фактарам сталі і фінансы.

Следам гэтым жа маршрутам збіраецца пайсці і яго жонка, таксама батутыстка Ганна Ганчарова.

Праўда, ва Улада Ганчарова ёсць прыкрая старонка ў біяграфіі: ён падпісант сумнавядомага прарэжымнага ліста.

Чытайце таксама:

Бліскучая акрабатыка! 20-гадовы віцябчук Уладзіслаў Ганчароў перамог на Алімпіядзе ў скачках на батуце

Алімпійскі чэмпіён Рыа Уладзіслаў Ганчароў: «Беларусы не такія нахабныя, як рускія»

«Шчэрбу ўвогуле не лічу беларусам». Гімнаст з «Дзю Салей» Сямён Букін даў першае інтэрв'ю пасля пераходу на беларускую мову

Nashaniva.com

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ