«Ён мяне не зразумеў». Кадыраў відавочна не задаволены перспектывай пакласці сваё войска пад Бахмутам 7

Кадыраў правёў нараду са сваімі сілавікамі, дзе паабяцаў хутка захапіць «невялікі ўчастак» Бахмута. Скрын відэа

«Падпісаў ліст на імя вярхоўнага галоўнакамандуючага Расійскай Федэрацыі У. У. Пуціна з просьбай даць даручэнне перадыслакаваць падраздзяленні «Ахмат» у г. Арцёмаўск (Бахмут). Ліст ужо адпраўлены», — гаворыцца ў тэлеграм-канале Кадырава, там жа прыкладзеная копія ліста.

Кадыраў апублікаваў таксама відэа нарады са сваімі сілавікамі, але толькі версію на чачэнскай.

Відэа нарады на рускай апублікаваў у сваім канале Прыгожын.

У сваёй прамове Кадыраў наракае на Прыгожына і ПВК «Вагнер», што тыя павялі сябе «няправільна». «Я думаў, ён мяне зразумее. Ён мяне не зразумеў», — гаворыць Кадыраў пра Прыгожына.

Кіраўнік Чачні сказаў, што гэты ўчастак Бахмута яны забяруць і знішчаць «шайтанаў». Але вагнераўцам прыйдзецца пачакаць, пакуль кадыраўцы даедуць і там асталююцца.

Пакуль гэтага не адбудзецца, вагнераўцы, паводле Кадырава, будуць стаяць у абароне, «хочуць яны гэтага ці не».

Кадыраў кажа, што сродкі для наступлення ў яго ёсць.

«Гэта невялікі ўчастак. Мы забяром яго», — абяцае ён.

Чытайце таксама:

Расія замяніла прыярытэт захопу Бахмута на падрыхтоўку да контрнаступу — ISW

Аперацыя «Бахмуцкая мясарубка» скончана». Прыгожын абвінаваціў расійскае кіраўніцтва ў бессэнсоўнасці аперацыі пад Бахмутам 

Артылерыя УСУ знішчыла месцы захоўвання боепрыпасаў «вагнераўцаў» — Мінабароны Украіны

Nashaniva.com