Фота: інстаграм Mark Formelle
Каб мужчынам было лягчэй высветліць, які ж размер бялізны пасуе канкрэтнай жанчыне, маркетолагі Mark Formelle прапанавалі параўноўваць жаночыя грудзі з гароднінай і садавіной. Для параўнання былі прапанаваныя капуста, гранат, лімон, ківі, апельсін, яблык ды мандарын.
Ідэя, аднак, выклікала абурэнне жанчын. Многія палічылі параўнанні Mark Formelle проста прыніжальнымі. Вось некалькі папулярных каментароў:
«Па-першае, гэта нейкае зневажальнае і недарэчнае параўнанне. Па-другое, бюстгальтар без прымеркі купляць нельга, бо ад таго, наколькі ён добра і правільна сядзіць, наўпрост залежыць здароўе жанчыны! Ваш маркетолаг праваліў заданне на ўсе 1000%. Замест станоўчых водгукаў атрымаеце кучу хейту ад жанчын».
«Вось так і губляецца мэтавая аўдыторыя брэнда. Але калі гэта хвалявала беларускі бізнэс?»
«Ой, а чаму з трусамі на 23 лютага такога не было?»
«Мала што цэны ставіце р*сійскія (пэўна на р*сію працуеце, што ўжо ганьба), дык яшчэ й параўноўваць грудзі з садавіной, што дэгуманізуе. Падвойная ганьба, карацей. Горш толькі zen wear. Адно расчараванне ў мясцовых вытворцах апошнім часам, сумна».
На пост брэнда адрэагавала і фемінісцкая супольнасць GIRLS POWER BELARUS. Яна адзначыла сумнеўнасць параўнання жаночага цела з капустай, ківі і яблыкамі, а таксама заўважыла: «Шматлікія жанчыны выдатна ведаюць памеры бялізны сваіх мужоў/хлопцаў і сыноў і купляюць яе без садавінна-гароднінных асацыяцый».
На само свята 8 Сакавіка Mark Formelle выпусціў іншы пост — з гіфкай мужчын у бялізне ад самога брэнда, якія віншуюць жанчын танцам.
Гэтым разам карыстальнікі сацсетак абурыліся тым, што на свята, якое звязваюць з барацьбой за жаночыя правы, прыхільніцы брэнда атрымалі стэрэатыпна сэксісцкае віншаванне:
«У мяне няма слоў ад шоку ад таго, у што ператварылі гэтае свята. 8 Сакавіка — Міжнародны Дзень Жаночай Салідарнасці і Барацьбы з Эмансіпацыяй і Гендарнай Няроўнасцю. І барацьба з гендарнай няроўнасцю ідзе да гэтага часу і пастаянна. Лепш бы рэчы зрабілі з фемінісцкімі і актывісцкімі надпісамі, напрыклад: My Body — My Choice, No Harassment, No Rape, No Misogyny і гэтак далей. Але не відэа з мужчынамі ў трусах, гэта выглядае максімальна крынжова».
«Калі шчыра, то абсалютна не эстэтычна і не святочна! Была ў вас даўно рэклама, дзе мужчыны шыюць трусы, вось там было знята проста супер, а гэта проста Антысэкс… восьмае, сакавіка, лезе ў трусы рука… ну прама…»
«Найгоршае віншаванне ў жыцці… куды скаціўся «Марк Фармэль».
Аднак у дадзеным выпадку большасць каментатараў былі задаволеныя святочнай публікацыяй:
«Узрушвае! Так радасна назіраць, што вы ўвасабляеце свае ідэі без сарамлівасці)) Адзін з самых любімых і прасунутых брэндаў на беларускім рынку❤ Са святам жаночую частку вашай каманды!»
«Шыкоўныя мужчыны! Дзякуй за добры настрой».
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»Чытайце таксама:
Брэнд ніжняй бялізны правёў модны паказ у мінскім басейне ФОТЫ
«Дзе ты згубіў штаны?» У моду ўваходзіць празрыстае адзенне — і нават ніжняя бялізна
ну "спасіба", што
не з вушамі параўналі... розных сабачак