Стваральнікі гульні адзначаюць, што сёння ў Беларусі палітвязняў больш, чым было ва ўсім СССР да перабудовы. Сярод тысяч палітзняволеных — 34 журналісты.
«Герой свабоды слова» — гэта гульня пра адважных журналістаў, якія спрабуюць працаваць ва ўмовах дыктатуры. Яна стваралася на базе сведчанняў гомельскіх журналістаў Яўгена Меркіса і Ларысы Шчыраковай (цяпер знаходзяцца за кратамі), а таксама актывіста Сяргея Лісічонка.
Паспрабаваць свае сілы можна па спасылцы (праўда, гульня толькі на шведскай мове).
