Фота: сайт ГЦ Diamond City
«Наш саюз падпісаў пагадненне аб супрацоўніцтве з кампаніяй Swed House, якая вырабляе прадукцыю, аналагічную IKEA, каб у 2023 годзе адкрыць дзесяць крам у Маскве плошчай да 1 тыс. кв. м», — паведаміў ТАСС кіраўнік Саюза гандлёвых цэнтраў Булат Шакіраў.
Ён дадаў, што ў найбліжэйшыя гады плануецца адкрыць да 50 крамаў па ўсёй Расіі.
У Мінску крама Swed House працуе ў гандлёвым цэнтры Diamond City.
IKEA абвясціла аб прыпыненні працы ў Беларусі і Расіі ў сакавіку 2022 года. А ў лістападзе стала вядома, што беларускія ўлады плануюць стварыць уласны аналаг IKEA — праект «Да дому».
