«Ціханоўская распавяла, як беларусы, у тым ліку добраахвотнікі на фронце, дапамагаюць украінцам; выказала падтрымку і салідарнасць», — сказаў Вячорка.
Паводле яго слоў, бакі абмеркавалі варыянты «сумесных дзеянняў на міжнароднай арэне, каб спыніць агрэсію Пуціна і Лукашэнкі, закранулі праблему антыўкраінскай прапаганды».
Украінскую дэлегацыю ўзначальвае старшыня камітэта па пытаннях гуманітарнай і інфармацыйнай палітыкі Вярхоўнай Рады Мікіта Патураеў. Ён быў паліттэхнолагам будучага прэзідэнта Уладзіміра Зяленскага, уваходзіць у фракцыю кіруючай партыі «Слуга народа».