Расійская журналістка Кацярына Яньшына знаходзілася на Акрэсціна з 5 па 20 студзеня. Яна распавяла «Нашай Ніве», што чула ад сваіх сукамерніц пра тое, у якіх умовах у той час сядзела спартоўка.
Калі Кацярына была на ЦІПе, ёй расказвалі, што Астапчук знаходзілася ў ІЧУ Акрэсціна. У ЦІП вельмі спякотна, а ў ІЧУ, наадварот, дужа холадна.
Паводле сукамерніц Кацярыны, спартсменка захварэла падчас зняволення, але нават у такім стане, лежачы на падлозе, закрывала сабой людзей ад скразняку.
Надзея Астапчук на Алімпіядзе ў Лондане — 2012. Фота: AP Photo / Matt Dunham
Раней былы арыштант Акрэсціна распавёў, што бачыў легкаатлетку ў калідорах Акрэсціна ў снежні 2022 года: «Пакуль чакалі суд, міма па калідоры на допыт правялі спартоўку Астапчук. Вонкава была спакойная, але відаць, што «груз на плячах несла».
Надзея Астапчук — адна з тых спартсменак, якія ў 2020 годзе падтрымалі пратэсты ў Беларусі. Прычыны затрымання яе дагэтуль невядомыя.
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»Фонд спартыўнай салідарнасці супраць допуску беларускіх спартсменаў да Алімпіяды на ўмовах МАК
Навоша: Перамога Арыны Сабаленка нават пад нейтральным сцягам — рэдкая нагода для самасцвярджэння людажэрнай дыктатуры
Беларусам прапанавалі стаць азіятамі
