Старшы прапаршчык спрабаваў такімі метадамі падтрымліваць у падраздзяленні дысцыпліну і дамагацца выканання загадаў. Працягвалася гэта ўсё з лютага 2021 да студзеня 2022 года.
Крымінальную справу разглядаў суд Заводскага раёна Мінска. Судзілі вайскоўца за «перавышэнне ўлады начальнікам, спалучанае з гвалтам і выкарыстаннем спецыяльных сродкаў». Сваю віну ён прызнаў.
У выніку былому камандзіру прысудзілі 5 гадоў пазбаўлення волі, штраф у памеры 4,8 тысячы рублёў і пазбаўленне на 5 гадоў права займаць пасады, звязаныя з выкананнем арганізацыйна-распарадчых абавязкаў. Таксама яго пазбавілі вайсковага звання «старшы прапаршчык», а пнеўматычны пісталет канфіскавалі.
Грахі прапаршчыка-«беспрадзельшчыка», праўда, не такія вялікія, як у тых, хто напісаў каментар у інтэрнэце ці выйшаў са сцягам на мірную дэманстрацыю. Таму ён патрапіў пад амністыю. Згодна з ёй тэрмін пакарання яму адразу скарацілі на адзін год.
