У Мінску двое падлеткаў праваліліся пад лёд
Двое падлеткаў праваліліся пад лёд у Мінску на вуліцы Райніса, 1. Іх дасталі са Сляпянскай воднай сістэмы выратавальнікі разам з работнікамі патрульна-паставой службы РУУС.
Хлопцы знаходзіліся за дзесяць метраў ад берага. Першага дасталі з палонкі, а другога дасталі з-пад вады без прытомнасці.
Першы пацярпелы атрымаў пераахаладжэнне, а другога, у стане пасля ўтаплення, прывялі ў прытомнасць медыкі брыгады хуткай дапамогі. Абодва хлопца шпіталізаваныя.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ