Гарадзенца асудзілі на тры гады калоніі за пост у сацсетках пра Лукашэнку
У Гродзенскім раённым судзе асудзілі Руслана Красава паводле ч. 2 арт. 368 (абраза Лукашэнкі) і ч. 2 арт. 367 (паклёп у дачыненні да Лукашэнкі) Крымінальнага кодэкса. Суддзя Дзмітрый Грышын прызначыў мужчыну 3 гады пазбаўлення волі ў калоніі ва ўмовах агульнага рэжыму, паведамляе «Вясна».
Паводле пракуратуры Гродзенскага раёна, Руслану паставілі ў віну «шэраг злачынстваў экстрэмісцкай скіраванасці».
Як заявіла следства, Руслан з лютага 2017-га па лістапад 2020-га размясціў на сваёй старонцы ў «Аднакласніках» публікацыі з абразлівымі і паклёпніцкімі выказваннямі ў адрас Лукашэнкі. Таксама ў публікацыях прысутнічалі абвінавачванні Лукашэнкі ў забойстве.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ