Фота: БелТА
Навінку прадаюць у анлайн-гіпермаркеце amd.by.
«Эксклюзіўную магчымасць стаць першымі ўладальнікамі нацыянальнага ноўтбука дае наш анлайн-гіпермаркет», — рэкламуе пляцоўка.
Каштуе айчынны ноўтбук 1599 рублёў.
Фота: скрын з сайта amd.by
Нагадаем, што ў пятніцу пункт з ноўтбукамі айчыннай вытворчасці з'явіўся ў ГЦ Galleria Minsk. Але праз некалькі дзён закрыўся.
«Першы беларускі ноўтбук выходзіць на рынак у мадэлі H-book MAK4. Гэта айчынная распрацоўка, створаная на аснове перадавога досведу і тэхналогій. Гэта сучасны камп'ютар, які па сваёй якасці і прадукцыйнасці параўнальны са знакамітымі брэндамі. Апаратная аснова H-book MAK4 распрацавана на працэсарах Intel Core 11 пакалення, якія забяспечваюць паказчыкі бесперабойнай працы і высокай прадукцыйнасці як ва ўмовах офіснай і хатняй працы, так і пры выкананні задач высокай сістэмнай нагрузкі, захоўваючы пры гэтым выключную аўтаномнасць», — расказваў БелТА генеральны дырэктар «Гарызонта» Юрый Прадко.
Раней паведамлялася, што беларускі ноўтбук у базавай камплектацыі з дыяганаллю 15,6 цаляў абыдзецца ў суму ад 1300 рублёў, але, як патлумачыў кансультант, выйшла крыху даражэй з-за лагістыкі.
Серыйная вытворчасць ноўтбукаў мусіла стартаваць у лістападзе, але затым яе перанеслі на снежань. У 2023 годзе плануюць выпусціць ці то 80 мадэляў, ці то 80 штук.
Чытайце таксама:
Галоўчанка расказаў пра зніжэнне ВУП на 4 працэнты
Колькі перад Новым годам каштуюць мандарыны ў Беларусі, Польшчы і Літве. Параўналі цэны
Урад анансуе магчымае аслабленне рэгулявання цэн
