Мікалай Папека — паэт і пчаляр з Пружанаў, фігурант «справы карагодаў», асуджаны на два гады абмежавання волі з накіраваннем у папраўчую ўстанову адкрытага тыпу («хімія») за ўдзел у акцыі 13 верасня 2020 года ў Брэсце.

У пачатку красавіка яму ўзмацнілі пакаранне і перавялі з хіміі ў калонію на 8,5 месяца. 

Сёння Мікола выйшаў на волю з магілёўскай калоніі № 15, цалкам адбыўшы тэрмін. 

Як вядома «Нашай Ніве» ад былых вязняў Магілёўскай калоніі, некалькі месяцаў назад яму прапаноўвалі датэрміновае вызваленне ўзамен на прашэнне аб памілаванні — ён адмовіўся.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?