Паведамляецца, што ён перадаў звесткі 30 калегаў.
«Мужчына перадаў адміністратарам дэструктыўных рэсурсаў асабістыя даныя каля 30 былых калег, якія потым публікаваліся ў телеграм-каналах», — гаворыцца ў паведамленні СК.
Мужчына працаваў у Дэпартаменце аховы МУС сістэмным адміністратарам. Звольніўся ў 2018 годзе. Асабістыя даныя былых калег узяў з тэлефоннага даведніка, да якога меў доступ.
Следчыя мужчыну выставілі абвінавачванне па ч. 6 арт. 16 і ч. 3 арт. 130 КК Беларусі (дапамога ў распальванні варожасці, здзейсненая групай асоб) КК Беларусі. Ён змешчаны пад варту.
«Вясна» піша, што айцішніка завуць Павел Петручэня.
