Мужчына на адным з папулярных інтэрнэт-рэсурсаў убачыў аб'яву аб продажы серыі кніг пра Гары Потэра коштам 100 рублёў. Берасцеец напісаў прадаўцу і дамовіўся пра куплю, паведамляе Дзяржаўны камітэт судовых экспертыз.
Праз некалькі дзён ён прыйшоў у аддзяленне пошты, аплаціў пасылку і забраў яе.
Калі жыхар абласнога цэнтра адкрыў пасылку, яго чакаў непрыемны сюрпрыз: заяўленых кніг не было, замест іх ляжалі старыя выданні.
Так, у замове быў патрыманы «Слоўнік рускай мовы» Ожагава, а таксама некаторыя мастацкія творы: «Тры мушкецёры» Аляксандра Дзюма, «Маладая гвардыя» Аляксандра Фадзеева, апавяданні Джэка Лондана, «Пётр Першы» Аляксея Талстога.
Усе кнігі былі не новымі: у плямах і драпінах, з пашкоджанымі вокладкамі, падранымі старонкамі. Спецыялісты Дзяржкамітэта судэкспертыз у ходзе праведзеных адпаведных мерапрыемстваў вызначылі, што сумарны кошт дасланых прадаўцом кніг не перавышае 20 рублёў.
