Жыхары вёскі Клыпаўшчына падкормліваюць дварняка і спрабуюць яму стварыць максімальна камфортныя ўмовы для жыцця. Так, адзін з мужчынаў змайстраваў будку, якая дапаможа бяздомнаму сабаку перажыць зімовыя маразы.
«Тут як бы ён у нас і застаўся, бо няма куды дзецца. Ён чакае, чакае і спадзяецца. Як любая жывёліна, прывыкае да свайго гаспадара, любіць яго», — расказала мясцовая жыхарка Ірына.
Гаспадар сабакі памёр два гады таму. Пасля гэтага яму спрабавалі знайсці новы дом, і гэта нават удавалася, але кожны раз ён усё адно збягаў і вяртаўся на сваё месца. Таму жыхары вёскі празвалі дварняка Хаціка, па аналогіі са знакамітым японскім сабакам.
Чытайце таксама:
Пад Гроднам забілі сабаку, які паўгода чакаў гаспадароў на аўтазапраўцы
