Фота: grodno.mchs.gov.by

Днём 3 снежня чалавек, які праязджаў міма возера ў аграгарадку Луцкаўляны Гродзенскага раёна, пачуў крыкі аб дапамозе: у вадзе знаходзілася двое мужчын.

Мужчына патэлефанаваў ратавальнікам, а сам кінуўся на дапамогу, скарыстаўшы для гэтага надзіманы матрац. Праўда, адзін з рыбакоў пайшоў пад ваду і больш на паверхні не з'явіўся, але другі паспеў зачапіцца за матрац.

Фота: grodno.mchs.gov.by

Калі пад'ехалі ратавальнікі, то выцягнулі абодвух мужчын на бераг. Брыгада «хуткай дапамогі» шпіталізавала выратаванага рыбака з дыягназам «агульнае пераахаладжэнне», ягонаму ратаўніку меддапамога не спатрэбілася.

Пасля работнікі Таварыства выратавання на водах на адлегласці 70 метраў ад берага знайшлі і дасталі з вады патанулага мужчыну 1952 года нараджэння.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру