Мікалаю Статкевічу, які адбывае 14-гадовы тэрмін у калоніі, дыягнаставалі пнеўманію пасля трох перанесеных кавідаў. Палітвязень знаходзіцца ў медсанчастцы, пры гэтым да яго не пускаюць адваката.

Марына Адамовіч распавяла, што не ведае, ці перадаюць Статкевічу неабходныя лекі.

«Нельга забыцца на тое, як яшчэ ў кастрычніку «згубіўся» Мікалаеў ліст з дазволам на медбандэроль, не дайшоў да яго ніводны з напісаных мной за наступны месяц лістоў, у якіх я пра той дазвол настойліва пыталася. Гэта ўсё, канешне, барабашка вінаваты. Ці лісты самі «згубіліся»? Толькі больш, чым на месяц, чалавек быў пакінуты без неабходных лекаў. Пасля кавіду. У мяне і сёння няма ніякай упэўненасці, што Мікалай атрымаў тую, нарэшце дасланую мной, бандэроль — лістоў жа няма», — напісала Марына Адамовіч у фэйсбуку.

«Так што ў мяне не параноя, а абгрунтаваны папярэднімі дзеяннямі спецыяльна навучаных людзей страх… Патэлефанавала ў калонію. Хацела запытацца пра стан Мікалая, з доктарам пагаварыць, мо, лекі якія патрэбныя. Ага, канешне! Пра вынікі, мяркую, казаць не трэба. Здароўе зняволенага — дзяржаўная таямніца, і з доктарам пагаварыць таксама немагчыма», — паведаміла яна.

Пры гэтым яна зазначыла, што можна пісаць афіцыйныя запыты ў калонію па электроннай пошце: [email protected] «Гэта я тонка намякаю, што можна запытацца і пра стан здароўя зняволенага Міколы Статкевіча, і пра тое, чаму да яго не даходзяць вашы лісты», — дадала яна.

Мікалая Статкевіча 14 снежня мінулага года асудзілі паводле «справы Ціханоўскага», прызналі вінаватым паводле ч.1 арт. 293 («Арганізацыя масавых беспарадкаў») і прызначылі 14 гадоў калоніі асаблівага рэжыму.

У сярэдзіне чэрвеня Статкевіча этапавалі ў Глыбоцкую папраўчую калонію № 13 — адну з самых суровых у Беларусі. Там ён знаходзіцца ва ўмовах асаблівага рэжыму: у гэтым выпадку вязняў трымаюць у камерах, яны маюць права на два спатканні ў год — адно доўгатэрміновае і адно кароткатэрміновае. Таксама такім зняволеным можна атрымліваць адну пасылку і дзве бандэролі ў год.

Чытайце таксама:

Мікалай Статкевіч у калоніі захварэў пнеўманіяй пасля трох кавідаў

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Жыве Беларусь / Адказаць
30.11.2022
Божанька каханай абарані лепшых беларусаў
0
Belarus / Адказаць
01.12.2022
Трымайцеся спадар Мікола, вы сапраўдны Герой Новай Беларусі!
0
Новы Час Ідзе / Адказаць
01.12.2022
Кожны Беларус , хто унутры і звонку, павінен кожны дзень зрабіць нешта для Перамогі. Нават, калі стаміўся смяртэльна за дзень на працы - падумай пра тых, хто у зняволенні!.. Жыве Беларусь
Каб пакінуць каментар, калі ласка, актывуйце JavaScript у наладах свайго браўзеру