Пашынян адмовіўся падпісваць ключавыя дакументы па выніках саміту АДКБ
Прэм'ер-міністр Арменіі Нікол Пашынян адмовіўся падпісваць праект дэкларацыі Рады калектыўнай бяспекі АДКБ і праект аб сумесных мерах па аказанні дапамогі Арменіі. Пашынян патлумачыў, што з 17 падрыхтаваных выніковых дакументаў два былі адпраўленыя на дапрацоўку.
«Мы завяршылі наша пасяджэнне ў вузкім складзе. Было прадстаўлена 17 праектаў рашэнняў. Па 15 у нас ёсць кансенсус. Два праекты адпраўленыя на дапрацоўку», — сказаў Пашынян.
Прэс-сакратар расійскага прэзідэнта Пуціна Дзмітрый Пяскоў заявіў, што Арменія, безумоўна, застанецца ў АДКБ, нягледзячы на тое, што не ўсё ўдалося ўзгадніць.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
