Рэцэпт на выхадныя. Піца ў колцах — і вашы дзеці будуць пішчаць 8

Фота: BBC Food

Каб згатаваць піцу ў колцах, вам спатрэбіцца:

• 2 сталовыя лыжкі таматнага пюрэ (можна замяніць на таматную пасту ці кетчуп)
• 1 сталовая лыжка кетчупу
• 1 чайная лыжка сушанага базіліку
• палова чайнай лыжкі сушанага часнаку
• 375 грамаў гатовага слоенага цеста
• 175 грамаў сумесі цёртых мацарэлы і чэдару
• 1 яйка (узбітае)

1. Высцеліце вялікую бляху паперай для выпякання.
2. Змяшайце таматнае пюрэ, кетчуп, базілік і часнок. Разгарніце цеста і выкладзіце на яго таматную сумесь, пакідайце па баках невялікія краі без соусу. Пасыпце сырам тую частку цеста, што пакрытая соусам, потым вышмаруйце адзін з доўгіх краёў цеста невялікай колькасцю ўзбітага яйка.
3. Згарніце цеста ў рулет, пачынаючы з неабмазанага доўгага боку. Пакладзіце рулет на бляху (пры неабходнасці можна разрэзаць яго ўпоперак на дзве часткі), пастаўце ў халадзільнік на 20 хвілін.
4. Дастаньце рулет з халадзільніка і разрэжце яго на 16 колцаў. Размясціце іх на блясе і астудзіце на працягу яшчэ 20 хвілін.
5. Разагрэйце духоўку да 200 градусаў.
6. Змажце колцы ўзбітым яйкам. Выпякайце іх у духоўцы 15 хвілін, пакуль яны не стануць залацістымі, а сыр не пачне пузырыцца. Астудзіце колцы на працягу 5 хвілін перад тым, як іх падаваць, але можаце падаваць піцу і цалкам халоднай.

Рэцэпт на выхадныя. Сібас у корачцы з эстрагону — лёгкая і карысная вячэра

Як заварваць зялёную гарбату? Вось што важна ўлічваць

Рэцэпт на выхадныя. Тарт фламбэ — смак Эльзаса

Nashaniva.com

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ