ISW: Вайскоўцы з Ірана проста на акупаваных тэрыторыях Украіны навучаюць расійскія войскі кіраваць беспілотнікамі
Расійскія войскі, верагодна, перакінулі на акупаваныя тэрыторыі Украіны іранскіх вайскоўцаў, звязаных з Корпусам вартавых ісламскай рэвалюцыі, для навучання карыстанню беспілотнікамі «Шахед-136», паведамляе ў чарговай зводцы Амерыканскі інстытут вывучэння вайны (ISW).
Па даных украінскага Цэнтра нацыянальнага супраціву, на які спасылаюцца эксперты, расійскія войскі прывезлі іранскіх інструктараў (іх дакладная колькасць невядомая) у Крым і Херсонскую вобласць.
Цэнтр заявіў, што іранскія інструктары непасрэдна кантралююць запуск беспілотнікаў па грамадзянскіх аб'ектах ва Украіне, у тым ліку ў Мікалаеўскай і Адэскай абласцях.
Корпус вартавых ісламскай рэвалюцыі, верагодна, з'яўляецца асноўным аператарам іранскіх беспілотнікаў, адзначае ISW.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ