Генасамблея ААН прыняла рэзалюцыю, якая не прызнае расійскія «рэферэндумы» на акупаваных украінскіх тэрыторыях. Беларусь галасавала супраць
За падтрымку рэзалюцыі прагаласавалі 143 з 193 удзельнікаў, 35 краін устрымаліся і 5 выказаліся супраць.
Супраць рэзалюцыі галасавалі, акрамя самой Расіі, Беларусь, КНДР, Нікарагуа і Сірыя.
«Рэферэндумы» аб далучэнні да Расіі прайшлі на акупаваных Расіяй украінскіх тэрыторыях у канцы верасня. 5 кастрычніка Уладзімір Пуцін падпісаў указы аб прыняцці «ЛНР», «ДНР», Запарожскай і Херсонскай абласцей у склад Расійскай Федэрацыі.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ