Джо Байдэн. Фота: AP
«Я не думаю, што ён зробіць гэта. Я думаю, што ён безадказна кажа пра гэта, сусветны лідар адной з найбуйнейшых ядзерных дзяржаў свету кажа, што ён можа ўжыць тактычную ядзерную зброю ва Украіне», — сказаў ён.
Пры гэтым Байдэн адмовіўся паведаміць, як будзе выглядаць адказ ЗША, калі Пуцін усё ж такі рэалізуе пагрозы. Паводле яго слоў, Пентагон загадзя распрацаваў розныя варыянты дзеянняў на выпадак падобнага сцэнара.
«Гэта абмяркоўвалася, але я не збіраюся ў гэта ўдавацца. Было б безадказна з майго боку казаць аб тым, што мы будзем або не будзем рабіць», — дадаў прэзідэнт.
Байдэн таксама не выключыў магчымасці перамоваў з Уладзімірам Пуціным на саміце «Вялікай дваццаткі» на Балі ў лістападзе, хоць і сказаў, што сам з ім сустракацца не плануе.
«Паслухайце, у мяне няма намеру сустракацца з ім, — сказаў Байдэн. — Але, напрыклад, калі б ён прыйшоў да мяне на саміце G20 і сказаў, што хоча пагаварыць аб вызваленні [баскетбалісткі] Брытні Грайнер, я б сустрэўся з ім. Усё залежыць ад абставін».
